Ómar Örn Ólafsson

Nýja síðan mín er

ást og virðing
Ómar Örn

Rodney Carrington er sveitasöngvari sem syngur klúr lög! Hann hefur meðal annars sungið lög um typpi, bjór og brjóst og lag sem lýsir því þegar eiginkona hans hitti í fyrsta skiptið kærustuna hans. Persónulega er ég búinn að liggja í kasti yfir þessum lögum og myndböndum og mæli ég eindregið með því að þið hlustið á þetta líka. Þeir sem hafa góðann húmor geta litið frámhjá country hljómnum í lögunum en hinir eru í vandræðum!

Og þeir sem vilja senda honum vinaboð á myspace þá er síðan hans hér

Letter to my penis

The day that my wife met my girlfriend

Rodney sings to his wife

Show them to me

Ást og virðing
Ómar Örn

Á vafri mínu á netinu (fékk linkinn sendann) datt ég inn á heimasíðu hjá fyrirtæki þar sem ég kannaðist heldur betur við vörumerkið. Fyrirtæki að nafni Sutor sem er í einhverri stál framleiðslu í Kína. Fyritækið var stofnað árið 2003 Eftir því sem ég kemst næst þá var vörumerki símans hannað og breytt í byrjun árs 2004 ári eftir að Sutor var stofnað og þá spyr maður sig hver stal frá hverjum? Eitt er víst að vörumerki símans var ekki ókeypis í hönnun og breytingum. Enda þurfti að breyta öllu markaðsefni og lógóum á verslunum og annað slíkt! Stóru spurningarnar eru líklega þessar! Hvernig getur það gerst að vörumerkin séu nákvæmlega eins og nánast sami liturinn á þeim? Og hver stal frá hverjum?

heimasíða Sutor er að finna hér

UPPFÆRT 12:00 skv. heimildum mínum þá var Sutor einungis með verksmiðjur sem stofnaðar voru árið 2003 en hafi verið brandað 2006! þannig að það lítur út fyrir kínverskan stuld
ást og virðing
Ómar Örn

Fram kemur í frétt á Vísi að búið sé að ræða við Dag Sigurðsson fyrrverandi landsliðsfyrirliða í handbolta um að taka við handboltalandsliðinu. Viðræður hefðu verið gagnlegar og vonuðust bæði Jóhann Ingi formaður landsliðsnefndar og Guðmundur Ingvarsson Formaður HSÍ eftir að klára ráðningu í þjálfarastöðuna fyrir helgi. Ég verð að segja fyrir mitt leyti að ég er spenntur fyrir Degi sem þjálfara, hann sannaði sig sem spilandi þjálfari hjá Bregenz í Austurríki, þar sem hann varð meistari 4 sinnum í röð og gerði miðlungslið að því besta. Hann er búinn að vera fyrirliði íslenska landsliðsins í fjölda ára og að mínu mati maður sem ætti að geta komið landsliði okkar í fremstu raðir á ný. Það er aftur á móti sorglegt fyrir Valsmenn að missa hann úr framkvæmdarstjórastöðunni sem hann er tiltölulega ný tekinn við. Vona innilega að þessi mál verði afgreidd sem fyrst svo hægt sé að koma landsliðinu á ólympíuleikana og næsta heimsmeistaramót!

ást og virðing
Ómar Örn
Ómar Örn

Flughræddur er ég mjög, en að upplifa eitthvað líkt þessu er eflaust ólýsanlegt…að svífa í sjö þúsund fetum með báða hreyfla dauða og þar að auki á cessnu yfir hafinu er ekki á óskalistanum mínum! Hvað ætli maðurinn hafi hugsað svona rétt áður en hún fór í hafið?

ást og virðing
Ómar Örn

Ég var að enda við að horfa á tilgangslausasta fréttamannafund sögunnar! fyrst ætlaði Villi að tala við hvern fjölmiðil sér, svo hætti hann við það og ætlaði svo að tala við ljósvakamiðlana sér og svo ætlaði hann að tala við blaðamenn sér og svo enduðu bara allir saman á fundinum nema ljósmyndarar blaðanna! úffff…hvernig væri að taka ákvörðun og standa við hana? Gamli góði Villi, tjáði okkur um góða mætingu á fund borgarstjórnarflokks D-lista og hvenær fundurinn hófst, á slaginu hálf eitt. Sagðist ætla að halda áfram setu í borgarstjórn og íhuga það hvort hann ætli að taka við borgarstjórastólnum eftir eitt ár og einn mánuð. þetta blogg er jafn tilgangslaust og fréttamannafundurinn! Biðst afsökunnar á því!

ást og virðing
Ómar Örn

Er að horfa á BAFTA verðlaunin á Rúv, og rosalega pirrar það mig þegar kynnir er að babla yfir miðja ræðu hjá fólki sem er að taka við verðlaunum! Í miðri ræðu hjá Anthony Hopkins fer hún að þýða ræðuna hans og maður gat ekki hlustað á restina fyrir blaðri!

ást og virðing
Ómar Örn

Hattur = 1500 krónur
Skyrta og Bindi = 8000 krónur
Vínrauð Jakkaföt = 20.000 krónur
Að láta taka óvart mynd af sér pissa í miðju partýi í kringum fullt af fólki PRICELESS

ást og virðing
Ómar Örn

Ég sá og las að leikmenn í efstu deild karla yrðu skyldaðir til þess að fara í hjarta og æðaskoðun af KSÍ frá og með árinu 2009. Þetta er frábært framtak hjá KSÍ enda sorglegt þegar menn detta niður dauðir í leik eða á æfingum úr hjartagalla sem auðvelt er að komast fyrir.

EN…hvað með þá leikmenn sem eru að spila í 1., 2. og 3 deild? Mega þeir þá detta niður dauðir af því að þeir eru ekki að spila í efstu deild og ekki skyldaðir til þess að fara í þessa skoðun þ.e með aðstoð KSÍ og mögulega UEFA? Og kvennmennirnir fá ekki þessa aðhlynningu heldur! Ég geri mér grein fyrir að þetta er kostnaðarsöm skoðun en það sama ætti að ganga yfir öll lið og alla leikmenn sem eru að keppa á mótum á vegum KSÍ annað er gróf mismunun og klárlega ekki boðleg! Ég vona að KSÍ fari nú að hugsa aðeins lengra en landsliðið sem by the way tapaði á móti Möltu og efstu deild karla!

Frábært framtak en fólki mismunað eins og því miður er of algengt!

ást og virðing
Ómar Örn

Ég ætla að vera marblettur í dag! svo passar þetta vel við nafnið mitt þegar fólk kallar Ó-mar